في شجاعة علي الاكبر(ع)

عدد المساهمات : 47 تاريخ التسجيل : 11/10/2009

[centالسلام عليكم ورحمة الله
من قصائدي اليكم هذه القصيده الرداديه
حمل الاكــــــبر مثل حملة حيدره
كَلب الصــــــــوبين يمنه وميسره
***
علي الاكبر مثل جده صـــــــولته
تشـــــــطر الهامات ظلت ضربته
خلّه الجيوش فلول كلــــهه مشتته
بالحومه كَام يصول مثل القسوره
***
جبّن الفرسان مـــــــــــنهو ينازله
ياهـــــــو يكرب ليه نشدو حرمله
كَلبو الجيــــــشين مــــــحد عادله
الفتن عمت بالصـــــفوف وثرثره
***
كال بكر يكوم هسّــــــه يبـــارزه
من الامير يروح يطــــلب حافزه
صاح الاكبر بيت شعره وراجزه
انه شبل حـــــــسين جدي حيدره
***
بانـت الغُـبره واشــــــــتد الـــــنزال
شلون الاكبر ينهزم هذا مـــــــــحال
منصنصل الاجداد نجــــــبته الرجال
خلّه الجسم بالكَاع راســــــــــه طيره
***
جابه وجروح البيه تدمي من النزف
هذا اليــــعدونه كَالـــوا بالالـــــــــف
يابويه عد عيــــــــــناك احذهم حذف
لويصـــــــح الماي ريــكَي اغرغره
***
المـــــاي اجيبه منــــين كــــلّه والده
حجيك يبعد الروح كَلــــبي مــــرده
اصبر على المكتوب وارجع للردى
جدك يشربك ماي يمه محــضّـــره
***
يويلي صـــار وداع لمّـــن ودعـــه
مشابك الذرعـــان حلت فاجــــــعه
سيفه ويه الطاس للشبـــــكَه انزعه
الاكبرهوى ويَحْسين طاحوعالثرى
***
يكـــَلّه الله وياك يــــــبني ياعــــلي
شبيدي على المكتوب ياشمعة هلي
هاذا تـــالي وداع ما ترجـــــع الي
يبويه روح ارتاح يم عودي الولي
وكَلّه ابوي حسين حضّر منحره

[/center]