منتدى منوع علمي ثقافي أدبي
 
الرئيسيةالبوابةبحـثالتسجيلدخول

شاطر | 
 

 في ذكرى واقعة الطف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو نبا



عدد المساهمات : 47
تاريخ التسجيل : 11/10/2009

مُساهمةموضوع: في ذكرى واقعة الطف   الأربعاء نوفمبر 11, 2009 5:52 pm

اللهم صلي عل محمد وآل محمد
القصيده

شلون عملة كربله ننــــساها
شلون ننسه الِِِلي نذبح بثراها
* * *
شلون ننسه كربله ارض الطفوف
وذاك عباس الفـﮔد بيها الـﭼفــــوف
شلون ننسه حسين قطعته السيوف
وزينب الحره يوم وصاها
* * *
شلون ننسه عيلته وذيج الطفـال
يوم رعبتها العدا وخيل الانـذال
شلون ننسه حيرته بذيج العيـال
وننسه الاطفال العطش كتلاها
* * *
شلون ننسه غربته بين الجمـوع
شلون ننسه طفلته ظلت تلـوع
يوم كبلت ودعته تجري الدموع
مسح عالراس و بـﭼـه وعزاها
* * *
وذاك عبد الله الرضيع ولوعته
وهاي نبلة حرمله من ذبحته
بيد ابو اليمه سهم حز رﮔبــته
ورفع من ﭽفه دمه لسماها
* * *
صاح ياناس الطفل بعده رضيع
فوضت امري للباري الســـميع
رجع حامل جثته وﮔلبه وجــيع
وظل على زنوده تسيل دماها
***
شلون ننسه الاكبر ونجل الحسن
شلون ﮔلب الوالده من انطــــعن
شلون امــه وعمـــّته يوم الاجن
وشافن الجثه العدا داســاها
***
شلون ننسه الخيل صدره داسته
وننسه عليله يوم هلت دمــــعته
ياويل من ﮔوم الكفر متشمـــته
يوم اسرت هلعليل وياها
***
آه منج كربله ومن الفرات
شلون لفيتي الكفرذول الطغات
حسين عطشان انذبح يمچ ومات
وذيچ الانهار شكثر مجراها
***
شلون ننسه حسين باقي هلألم
شلون ننسه الحر واصحاب الشيم
شلون ننسه الحيد شيال العلم
تصير ذكرى بكربله خلاها
****
شلون ننسه خوته وذاك الوفه
يوم كَبلت هلعدا متحالفه
وياه ضحى بالعمر ماخالفه
يدري المنايا تسير وهو وياها
***
حروف اسمچ كربله تـﮔطر دمه
ﮔلوبنه بهذا الأسم متألمـه
الكون عميتي الحزن ارض وسمه
الكرب اسمچ وي بلا سماها
ابو نبأ
حسينية الزهراء

الرجوع الى أعلى الصفحة اذهب الى الأسفل
 
في ذكرى واقعة الطف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الليلة المقمرة :: البوابة الأدبية ..لكل مايخص الشعر و الشعراء و القصص و الخواطر و ما يتعلق بالأدب :: مساهمات في الشعر الشعبي-
انتقل الى: