منتدى منوع علمي ثقافي أدبي
 
الرئيسيةالبوابةبحـثالتسجيلدخول

شاطر | 
 

 انا زينب عشت عمري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو نبا



عدد المساهمات : 47
تاريخ التسجيل : 11/10/2009

مُساهمةموضوع: انا زينب عشت عمري   الأحد أكتوبر 11, 2009 11:06 am

*

*
انا زينب عشت عمري شخصي محد ايشوفه
وانا حيدر والدي الكرار ذاك الـــشرف الكوفه
وانا اخوي البطل عباس بعينه ضحّه وجــفوفه
وحكـَ حدي نمرد جبدي انا زينب انا زينب
***
انا جدي المصطفى احمد منهو اللي مثل جدي
يسالم من يسالمنه ويعادي من وكـَف ضــــدي
ما يدري سبوني الكوم وبالحومه اضل وحدي
كـَضو اهلي شبكـَى عندي انا زينب انا زينب
***
ابوي المرتضى حيدر واخواني اســـود الكـون
وامي فاطمه الزهره بيه شصار مايـــــــدرون
يضل هذا الشمر يفتر يمد ايده عليـــّه اشلـــــون
شلي بعمري نهتك خدري انا زينب انا زينب
***
وحك جدي اوالدي وامي حرمه وحايره بهـــمي
واخواني كـضو كلـــهم ماواحد بقــــــــــــه يمي
من كثر الضرب بسياط على متوني جرى دمــي
خلص صبري نشده فكري انا زينب انا زينب
***
انا زبنب واخت عباس واخت حسين ومــــحمد
واخت ذاك الكـَضى مسموم سبط المصطفى احمد
كلبي من الصبر والضيم صار اكـــــبود واتمرد
حرت ششجي الك واحجي انا زينب انا زينب
***
لوتدري يخويه الحـــيد نوكـَ الهزل صـــــعدوني
سبيَه بولية العدوان لارض الشـــــــــام كَـادونـي
شكـَل حيدر بعد وامي بيد انـــذال عفـــــــــتوني
وانا بحيره يبو الغيره انا زينب انا زينب
***
انا زينب واصيح ابصوت ياكــرار حاجـــــــيني
وحيده بلا ولي ضليت انت الكـَلت نادينــــــــــي
يسمونك ابو الشدات وطلب منك تحاميـــــــــــني
بطلب ردتك بخطر بنتك انا زينب انا زينب
***
عمامي وكل بني هاشم عقـيلتهم يســــــــــــموني
ما واحد لمح ظلّي وهــسّه اليوم يســـــــــــــبوني
هضـيمه بخرابه هناك كـَوم ايزيد كـــــــــعدوني
بغضب ردّي نشتم جدي انا زينب انا زينب

***
لوتدري يحامي الدار بـــــــنتك يوم يســــروها
بعد ماطاحوا الخـــوان حتى اسياط ضـــربوها
وياها الحرم واطفال لارض الشــــــــام ودوها
بحزن ناحت والك صاحت انا زينب انا زينب
***
خطَبِت خطبه يبويه هناك عرش ايزيد هزيتـــه
وامره نفضح بين الناس بجـــفه صــفكـً ولحيته
حقيقه وبانت الهه الكوم كام وأمر حاشــــــــيته
صحت خويه علي بويه انا زينب انا زينب
***
انا زينب واريد الـــــــثار منك يالـــــتريد الثار
ونتنطر ابو صالح اخر عتـــــــــــرة الاطــهار
ويختم للنبي دينه وينـــــشر سيف ذي الــــفقار
وهو بسيفه يرد حيفه انا زينب انا زينب
الرجوع الى أعلى الصفحة اذهب الى الأسفل
 
انا زينب عشت عمري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الليلة المقمرة :: البوابة الأدبية ..لكل مايخص الشعر و الشعراء و القصص و الخواطر و ما يتعلق بالأدب :: مساهمات في الشعر الشعبي-
انتقل الى: