أنا محجبة ليه ؟

عدد المساهمات : 3 تاريخ التسجيل : 03/12/2009

" أنا محجبة ليه ؟ "

أنا محجبة - بعد إيماني بأمر ربنا إن الحجاب فرض على كل مسلمة - علشان الأسباب التالية:

1

عشان انا حرة … مو من حق احد يشوف مني اللي ما ابغاه يشوفو إلا بإرادتي … ومن حقي اختار مين اللي يشوف مني أجمل ما عندي .. واللي يشوف دا ويكون حقو وحلالو بلالو عن طيب خاطر.. لازم هوا كمان يديني مشاعرو واللي باقي من عمرو عن طيب خاطر…

2

عشان أنا غالية .. ماينفع أقلل من قيمة نفسي واخليها عرضة لكل العيون .. ويسير خروجي وانا كاشفه ضوء أخضر لكل من هب ودب يسرق مني ولو نظرة لأي جزء مو متغطي مني .. حتى لو ما كان دا قصدي … بس ما حقدر امنعو… (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو ماكان دا قصدك.. ودا اللي عشانو ربنا فرض الحجاب . عشان مايطمع اللي في قلبو مرض) … مع الأخذ في الاعتبار انو “كل من هب ودب دا” مو بس الشباب اللي بيعاكسو البنات في الشارع .. دا يتضمن حتى الزبّال الله يكرمنا ويكرمو .. كل دول من الممكن انهم يشوفوكي … لا وكمان يمكن مااتعجبيهم ويدوروا وشهم

3
عشان أنا باحترم نفسي .. وشايفة نفسي كبيرة وليها قدرها .. وماينفع أنزل سوق المنافسة في الأنوثة عشان أفوز في الآخر بنظرة شهوانية أو كلمة غزل رخيصة أو عرض صحوبية…

4
عشان انا جمالي مو خارجي وبس.. ومن حقي ان اللي ييجي يتزوجني .. واللي حعطيه الباقي من عمري .. وكل مشاعري .. وحقاسمو أحلامي وأفكاري .. وحخلف منو اولادي .. .. مايختارني على مقاييس شكليه وبس .. أو يكون هوا دا العامل الأساسي في اختياره ليا … عشان كده مو ضروري يشوفني في كامل زينتي وجمالي قبل ما يتزوجني . . الأهم انه يحب روحي ويعجب بشخصيتي .. ويرتاح معايا نفسياً.. ( في بنات بتأجل الحجاب لحد ما تتزوج.. على أساس انها تكون شبكت واحد وضمنتو .. مع إنو مافي حاجه مضمونه في الزمن دا .. واللي اختارها عشان جمالها .. ممكن بالرااااحه يتزوج عليها وحده أجمل منها.. لأنو أكيد في الأجمل منها يعني) "دا طبعا مو عندنا في الدول التانيه بس ممكن يكون موجود بس ماقد شفت الله اعلم"..

5
عشان أنا بخاف على أخويا في الله اللي بيشوفني في الشغل أو في المواصلات أو في الشارع .. ويمكن يكون يبغى يتقرب من ربنا .. وبيجاهد نفسو عشان يغض بصرو.. فما ارضى لنفسي اني اكون سبب في اني افتنو..
((دا اكتر شي عجبني بصراحه لان في كتير من البنات يقولو مساله الحجاب حريه شخصيه بس دي النقطه وضحت انو حريتك الشخصيه مفروضا ماتتعدى حريات الاخرين ))

6
علشان أنا بشيل هم أخويا في الله اللي نفسو يتزوج ومو قادر لضعف إمكانياتو الماديه .. فمو ضروري يعني ازود عليه همومو… وأخآآيلو في الرايحة والجاية ..

7
دا غير حاجه مهمه كمان … الكفن تبع النساء.. فيه حجاب .. فاللي محا تلبسو وهي حيه بإرادتها طاعه الله.. حتلبسو كدا كدا وهي رايحه لقبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحد حيشوفنا تاني ولا احد حيطمع فينا .. يعني مالها معنى اننا نمشي كاشفيين لكل العيون واحنا أحياء نرزق.. يسير الأولى اني اطيع ربنا بإرادتي وأقابلو وهو راضي عني واخد أجري كامل.. ولاّ اني ماالبسو غير وانا جثه واقابل ربنا وهو غضبان عليا؟

والأسباب اللي فوق دي .. هيا اللي فهمتني ليه ربنا فرض علينا الحجاب.. مو تعسير ولا تضييق .. الحجاب فعلا عزة وكرامة.. مايعرفها غير اللي داق طعم الستر..

بارك الله فيك على هذة الاراء
وكثر الله من امثالك...

الأخ العزيز أبن الأطايب الأطهار...
الموضوع جيد ومهم لكل بلد اسلامي وعربي..
ولكن أخي الكريم...
يفضل أن يكون الموضوع منطلق من واقع مجتمعنا...
يا حبذا لو نوقش الموضوع كواقع في العراق..
.وخاصة بلدنا يمر بحالة جديدة عليه حتما ستفرز عصارات..
.الله أعلم بما ستأتي به..
الظاهر أن الموضوع منقول نقلا حرفيا.
..أسمح لي.
..لا تزعل.
.يفضل عند النقل التعب قليلا لتغيير لهجة الحوار.
..أو تشير بأن الموضوع منقول للأمانة العلمية..
لك من ألف شكر...