منتدى منوع علمي ثقافي أدبي
 
الرئيسيةالبوابةبحـثالتسجيلدخول

شاطر | 
 

 عليك انحب يبو السجاد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو نبا



عدد المساهمات : 47
تاريخ التسجيل : 11/10/2009

مُساهمةموضوع: عليك انحب يبو السجاد   السبت ديسمبر 12, 2009 4:14 am

السلام عليكم قصيده جديده لااستقبال شهر الحزن
**
عليك اانحب يبو السجاد عســـــاهن يعمن اعيوني
واشبك عشرتي على الراس انادي خل يسمعوني
واصيح بصوت ياعربــــــان شبيكم ما تفهموني
حسين ومنذبح عطشـــــان دامي الراس والمنحر
***
دامي والخيول اتدوس صدره بكل حـــــــوافرها
ورضت كل ضلع مكسور تغـــــير بأمر فاجرها
وزينب تلطم على الراس سوط الشــمر زاجرها
هاي ام الخدر زينب صـــــعب اخوان هالمنظر
****
واخوها البطل عباس يســــــــاره مودعه يمينه
وجسمه مودع يـــــــــساره وسهم النابـت بعينه
وظل موسـد التربان وســـــفه فقــــد كفـــــــينه
وجاسم بالـــــــخيم مطروح ويمّه امدد الاكـبر
***
موتى وشــبت النيـــــــران بس نسوان مستوره
وياهــن يتامى اطفال اكــــــــيد تكون مذعوره
عطاشا ولاولي موجود انت اتخـــيل الــصوره
وعليل بوســــــط نيــران يريـــــــد يكوم يتعثر
***
يذوب الصخر لوجلمود مصاب الجرى عليهم
وما رقت كـَلوب القوم ولا واحد نغر بيـــــــهم
وذبحو عترة المختار طــــــــغاة يزيد طاغيهم
وراحت هدايا الروس الشـــــايل راس يتبختر
***
شمالك يا وكت خوان دومك تنــــصر الطاغي
ولابن الزواني دوم تلبــــــــــب اله وتنـــــاغي
علينه مكدر ايامك ومـــــــــسعد بيها كل باغي
واعيادك من نمر بـــيها علينه محمله بالشر
***
بس ربك لاطف علينه صـــــار الحزن سلوتنه
شيعه ولو تفرقـــــــــــنه حسين حسين وحدتنه
ولمن يظهر القائم الييه تصـــــــــــــير فرحتنه
يذلك يازمن نصــــــــــبر واحنه لامره نتنطر
الرجوع الى أعلى الصفحة اذهب الى الأسفل
المشرف العام

avatar

عدد المساهمات : 57
تاريخ التسجيل : 30/07/2009
العمر : 61

مُساهمةموضوع: رد: عليك انحب يبو السجاد   السبت ديسمبر 12, 2009 4:36 pm

الله....الله...
يا أبو نبأ...
قصيدة راقية...
تحتاج الى رادود جيد...
حفظك الله و رعاك...
الرجوع الى أعلى الصفحة اذهب الى الأسفل
 
عليك انحب يبو السجاد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الليلة المقمرة :: البوابة الأدبية ..لكل مايخص الشعر و الشعراء و القصص و الخواطر و ما يتعلق بالأدب :: مساهمات في الشعر الشعبي-
انتقل الى: