وقفه مع الرأس الشريف

السلام عليكم ورحمة الله وبركاته


السلام عليكِ يا أم المصائب


حال لسان زينب عليها السلام وهي تخاطب أمها بعد رجوعها الى المدينه وزيارة قبرها


ونسألكم الدعاء


ــــــــــــــــ


شرد اسولفلج ييمّه اصَار بيّه من شفت


بــيوم راس حسين جابــوه بطــــــــشت


عليه شبكَت طفلته * ماتــت بوســـطانه


وانه محــتاره بزماني ولوني مخطـــوف


* * *


وعصة يزيد الشفتهه شلون تضرب شفته


يردد ابياته الخبــيثه يوم حصـــل غايـــته


كام بيهن يرتجز * وانـــــتقم لشــــياخه


طربت الشام على شـعره ودكَت ادفــوف


* * *


وانه يايمه العقيله شلون صبحي والمــسه


لعبت اسياط على متني كَبل طبت مجلسه


تفرجوا عليًه الخلك * وانه المســـتوره


بهزله ممشانه يشـــبجه بين الصــــفوف


* * *


شلون اتحمل مهانه تكول بت حيدر عــلي


راحو اخواني النشامه بيش همي ينجـلي


راح الاكبر سلوتي * راح هم نجل الحسن


يمه لو شفتي عليله بحــــبل مجـــــتـــوف


* * *


انوب كعدونه بخرابه وبعد شبعونه شـــتم


واحنه ارباب البلاغه وأهمه اذناب الزلـــم


وانه ضلت هيبتي * بخطبتي المـــــعروفه


ضربة يزيد على حلكه ضرب الـــسيوف




اي والله كانت خطبتها هليها السلام أشد من ضرب السيوف
علي ابو علي